TENSIONE NDËRFETARE DHE NDËRETNIKE
CIVILI ka shnuar rritje të rasteve në të cilat urrejtja ndërfetare manifestohet publikisht, me thirrje të hapura për dhunë, më saktë “luftë e shenjtë”. Tubimet me motiv fetar, qoftë tubime ceremoniale apo proteste, u pritën me mospërfillje të masave të mbrojtjes së koronavirusit dhe mosveprimit të policisë.
Drejtuesit fetarë kanë dështuar në këtë periudhë. Sjellja e tyre dhe mesazhet publike kanë kontribuar në përkeqësimin e situatës, si në aspektin e mbrojtjes kundër përhapjes së koronavirusit, ashtu edhe për sa i përket marrëdhënieve ndërfetare dhe ndëretnike. Drejtuesit fetarë po ndërhyjnë në politikë, gjë që është e papranueshme, dhe në periudhën parazgjedhore një ndërhyrje e tillë mund të shkaktojë dëme të mëdha në proceset politike dhe demokratike të vendit.
Sa i përket marrëdhënieve ndëretnike, kemi shënuar një rritje të gjuhës së urrejtjes në baza etnike. Ne kemi indikacione të qarta se disa nga partitë politike dhe mediat nën kontrollin e tyre po kryejnë një fushatë sistematike me një fjalor inflamator dhe nxisin intolerancën dhe urrejtjen ndëretnike.
INFODEMIA
Bazuar në qindra raste të regjistruara në monitorimin e CIVILit, është konstatuar se shoqëria maqedonase po përballet me pasoja të rënda informimi, lajme të rrejshme dhe gjuhë të urrejtjes që vijnë si rezultat i fushatës shkatërruese të qendrave të caktuara të pushtetit në vend dhe në botë.
GJUHA E URREJTJES
CIVIL dënon me ashpër gjuhën e urrejtjes dhe shpreh solidaritetin me të gjithë viktimat e gjuhës së urrejtjes. Në të njëjtën kohë, CIVILi kërkon nga institucionet të veprojnë në mënyrë të duhur dhe në përputhje me detyrimet e tyre ligjore, të mos lejojnë që gjuha e urrejtjes të mbetet e pandëshkuar. Lajmet e rreme dhe gjuha e urrejtjes duhet të dënohen, dekurajohen dhe sanksionohen.
Ekipi i CIVILIT për komunikim
