Hekur i mbeturinave e mbyti Shkupin

Një gazetar qytetar i brengosur, i cili dëshiron të mbetet anonim, në redaksinë e CIVIL Media dërgoi fotografi nga tymi i madh që është vërejtur dje në afërsi të fabrikës “Makstil”.

Sipas Brigadës Territoriale kundër zjarrit të Qytetit të Shkupit, në fabrikën është djegur hekur mbeturinë para reciklimit, për të cilën gjë ka intervenuar brigada me nëntë makina zjarrfikëse dhe 21 zjarrfikës, lajmëron MIA.

Për shkak të temperaturës së lartë dhe tymit të dendur si pasojë e zjarrit, janë kërkuar edhe tre cisterna me ujë nga Higjiena Komunale, tre cisterna nga Ujësjellësi dhe një makinë zjarrfikëse nga rafineria “Okta”.

Komandanti i Brigadës Zjarrfikëse Territoriale të Qytetit të Shkupit, Zvonko Tomeski për MIA ka deklaruar se janë djegur rreth 500 metra kubi hekur dhe se ende punohet në terren.

“Temperatura është e ulur dhe fillon të punohet në largimin fizik të materialit dhe shuarjes së zjarrit”, tha Tomeski.

Nga fotografitë e gazetarit qytetar shihet se zjarri ende digjet, por kësaj here tymi lëviz nga Mali i Zi i Shkupit

M. I.

This post is also available in: MacedonianEnglish