Pas dy vitesh nga nënshkrimi i Marrëveshjes së Prespës, shteti u bë anëtarja 30 e NATO dhe është në fazën e fundit të procesit për anëtarësim në Bashkimin Evropian. Marrëveshja u përshëndet nga e gjithë bota, përveç nga VMRO – DPMNE të cilët tani para zgjedhjeve ushtrojnë patriotizëm dhe paralajmërojnë se do ta kthejnë emrin – kjo është tema e këtij botimi të video magazinës politike – SKEN.
Në kremtimin e Marrëveshjes së Prespës, Kryeministri teknik Oliver Spasovski tha se dy vjet më parë, në një proces të vendosur ndërkombëtarisht, ne siguruam garanci të përhershme për gjuhën dhe identitetin maqedonas dhe anëtarësimin tonë në NATO, dhe hymë në fazën e fundit të procesit të anëtarësimit në Bashkimin Evropian. Marrëveshja e Prespës është një model për sjelljen evropiane, një model për Ballkanin i denjë për shekullin XXI, si një pjesë e barabartë dhe e pandarë e Bashkimit Evropian.
Kreu i LSDM-së, Zoran Zaev theksoi se Marrëveshja e Prespës na ka afruar një hap më pranë Bashkimit Evropian dhe ne më në fund kemi hapur dyert për integrimin tonë në BE. Pas 15 vitesh pritje, ne fillojmë negociatat për anëtarësim. NATO dhe BE janë mbështetja jonë e fortë për zhvillimin, por edhe për përballimin e sfidave dhe rreziqeve siç është koronavirusi. Ne kemi marrë shumë ndihmë dhe mbështetje prej tyre në të kaluarën.
Udhëheqësi i partisë, Hristijan Mickoski, ushtron atdhetarizëm para zgjedhjeve dhe njofton se do të kthejë emrin - Maqedonia.
Igor Durllovski, mbajtësi i listës së kandidatëve të VMRO-DPMNE në njsinë zgjedhore 5, njoftoi të njëjtin mesazh, duke thënë se dy vjet më parë LSDM dhe asokohe Kryeministri Zoran Zaev nënshkruan Marrëveshjen e Prespës, e cila sipas tij kryente tradhtinë më të madhe, dhe njoftoi kthimin e " Maqedonisë te Maqedonasit ”.
Zekir Ramcilloviç është një nga tetë deputetët që u larguan nga VMRO-DPMNE dhe votoi në Kuvend për Ndryshimet Kushtetuese, dhe ai nuk e konsideron veten si tradhtar ,siç e quajnë anëtarët dhe aktivistët e VMRO-DPMNE, përkundrazi, ai thotë se ai bëri më të mirën për vendin. .
Nuk është hera e parë që VMRO-DPMNE ka përhapur lajme të rrejshme dhe dezinformata në lidhje me Marrëveshjen e Prespës, pasi qytetarët nuk i dëgjuan ata dhe votuan në referendum për integrimin në BE dhe NATO. Nëse qytetarët do të zgjedhin të ardhmen në vend të së kaluarës, mbetet për tu parë në periudhën në vijim.
