ЦИВИЛ го зголемува бројот на краткорочни набљудувачи

Без оглед на тоа кога ќе се одржат предвремените парламентарни избори, ЦИВИЛ и набљудувачите треба да бидат подготвени. Затоа, ЦИВИЛ ги повикува своите членови, поддржувачи и учесниците на семинарите за граѓанско новинарство, набљудувачите на претходните изборни процеси, како и сите заинтересирани полнолетни граѓанки и граѓани да аплицираат за краткорочни изборни набљудувачи. Од постојната структура (180) се откажаа 4 лица, но Организацијата обезбеди уште 60 места за краткорочни набљудувачи, така што во моментов има 64 слободни места за краткорочни набљудувачи.

ЛИНК ДО АПЛИКАЦИЈАТА ЗА КРАТКОРОЧНИ НАБЉУДУВАЧИ НА ЦИВИЛ

Учеството во мониторингот, како и во други активности и семинари на ЦИВИЛ, претставува и можност за подолгорочна соработка во различни проекти и активности. Повикот е отворен до 15 јуни.

Предност во процесот на избор за набљудувачи, како и секогаш, имаат членовите и поддржувачите на ЦИВИЛ, поранешни набљудувачи, како и оние што учествувале на семинарите за граѓанско новинарство.

Од тимовите за мониторинг на овие избори, на најуспешните двајца ќе им биде понуден ангажман во сферата на мониторингот и промоцијата на проектот „Европа е наш дом“ до крајот на јануари 2021 година.

Набљудувачите на ЦИВИЛ, како и сите заинтересирани граѓанки и граѓани, секогаш имаат можност да станат дел од проектите на ЦИВИЛ, особено проектот „Граѓански објектив“.

Мониторингот на ЦИВИЛ подразбира мобилност, посветеност и непристрасност. Краткорочните набљудувачи се активни во текот на изборниот молк, на денот на гласањето и еден ден по гласањето.

Функционери и активисти на политички партии немаат право на учество на овој повик. Не е дозволено да се биде набљудувач на две организации истовремено.

Од организацијата напоменуваат дека во тек е контактирањето со сите кандидати за учество во мониторингот на ЦИВИЛ, така што, ако еднаш аплицирале, заинтересираните нема потреба повторно да аплицираат. Сите апликанти ќе бидат контактирани најдоцна до вторник, 2 јуни. Доколку има промени во контактите на заинтересираните (промена на телефонски број, адреса и сл.), прашања или други информации, Координативниот тим на ЦИВИЛ е на располагање секој работен ден, од 9 до 17 часот.

ЦИВИЛ Тим за комуникации

ЛИНК ДО АПЛИКАЦИЈАТА ЗА КРАТКОРОЧНИ НАБЉУДУВАЧИ НА ЦИВИЛ