ЦИВИЛ – Центар за слобода, продолжува со проектот „Граѓански објектив“ и ги повикува сите заинтересирани граѓанки и граѓани да се пријават за учество на обука за граѓански новинари што ќе се одржи во понеделник, на 15 август, во хотелот Сити Парк, со почеток од 11:00 часот. Обуката, исто како и последната која се одржа на 11 јуни, е од затворен карактер и сите пријавени граѓан(к)и кои ќе ја завршат обуката, ќе добијат можност да учествуваат во следниот циклус од натпреварот „Биди граѓански новинар“. Наградите се пет вредносни ваучери, а првата награда е во противредност од 110 долари.
Обука за граѓански новинари, 11 јуни
Под мотото „Бори се против апатијата!“, ЦИВИЛ им нуди бесплатна можност на кандидатите да се стекнат со теоретски и практични знаења за граѓанското новинарство, видео активизмот и низа други интересни области.
Сите заинтересирани кои сакаат да го проверат својот талент за новинарство и да дадат придонес, можат да се пријават до 12 август, на [email protected], едноставно, со мотивациско писмо до 420 знаци (колку три твита), точно име и презиме, телефонски број и линк до Фејсбук профилот на кандидат(к)ите. Бројот на учесници е ограничен.
Целодневната обука за кандидатите чии апликации ќе бидат прифатени од комисијата на ЦИВИЛ, ќе започне во 11: 00 часот, со теоретски дел, по што следува практичниот дел на обуката.
Доделување на награди, 15 јули
Видео материјалите подготвени од учесниците на последната обука, беа дел од јунскиот циклус за додолеување на награди, а комисијата на ЦИВИЛ одлучи да им додели вредносни ваучери за прво и трето место.
Обуката за доделување награди за граѓанско новинарство се дел од проектот„Граѓански објектив“, финансиран од National Endowment for Democracy.
