Работилница за храбри и одлучни во Велес

По успешниот семинар за граѓанско новинарство во Велес на 24 и 25 декември, ЦИВИЛ организира работилница за уште десетина заинтересирани велешанки и велешани на 26 април, среда, од 12:00 до 16:00 часот.Во пресрет на последниот семинар за граѓанско новинарство во Скопје, викендов 22 и 23 април, ЦИВИЛ –Центар за слобода ги повикува граѓанките и граѓаните  да продолжат со своето активно учество и влијание на политичките и општествените промени на локално и централно ниво.

По теоретскиот дел од обуката  граѓанските новинари ќе имаат практична работа со снимање видео стории, фотографирање, правење анкети… по што следува евалуација на нивната работа.

Бројот учесници не е ограничен. Сите заинтересирани граѓанки и граѓани можат да се пријават преку пополнување на онлајн формулар  или преку електронската адреса [email protected], со кратка биографија и мотивациско писмо (максимум по 10 редови) во кои кандидат(к)ите накратко ќе ги опишат своите вештини и ќе изразат подготвеност за учество на семинарот.

За допонителни информации  заинтересираните можат да се јават на 02/5209176, да напишат порака на [email protected] или на Фејсбук страницата Citizen.Journalists.

За повеќе содржини поврзани со проектот и  активностите на граѓанските новинари, лајкнете ја Фејсбук страницата Citizen.Journalists.МК и посетете ја веб страницатa www.clp.mk.

Граѓанското новинарство е нов бран на медиумската слобода што го промовира објективното и нецензурарано информирање ширум светот користејќи ги технолошките придобивки допирајќи до јавноста преку интернет и социјалните мрежи побргу од традиционалните медиуми.

Проектот „Граѓански објектив“ е поддржан од National Endowment for Democracy.

This post is also available in: AlbanianEnglish